🌟金鼎獎🌟▹ 陳芊榕｜神奇漢藥房：規年迵天照顧咱的健康｜台華文雙語繪本＊附別冊＊
- Regular price
- NT$ 400.00
- Sale price
- NT$ 400.00
- Regular price
-
NT$ 0.00
分享
陳芊榕
2024 / 精裝 / 46頁 / 20 x 20 cm / 台華文雙語
★附作者親自朗讀台語音檔，搭配華文對照，親子共讀時一起練習說台語。
★隨書附贈「神奇漢藥房ê四季燖補篇」別冊，予你四季攏會使去拆藥仔燖補！
你ê記持內敢有一間神奇漢藥房？
你捌佇遐拆過啥物款藥仔？
阿妹是佇漢藥房大漢ê囡仔，
漢藥房內底有幾若个大大ê藥櫥仔，
閣有真濟奇奇怪怪ê漢藥材。
厝邊隔壁ê人客來來去去，
有時陣欲愛囡仔轉大人ê轉骨方，有當時仔入冬欲補身體；
神奇ê漢藥房，神奇ê漢藥材，發揮神奇ê應效，
予咱ê日子過了健康、四序、心適閣有人情味。
【作者的話】
神奇漢藥房，記錄我細漢ê時佇厝內面聽著、看著ê，閣有鬥顧店ê記持。
定定有朋友共我問：「是按怎冊名欲號『神奇』這兩字？」
因為，我想欲表達足濟神奇ê概念：
神奇ê人，互相信任；
神奇ê藥材，產生應效；
神奇ê所在，共人箍做伙。
這間漢藥房ê頭家就是阮媽媽，伊有真濟故事通講，我真數念伊，嘛真思念彼間漢藥房。
這本冊欲獻予我ê媽媽—柯碧女士，閣有伊ê店—「壽春藥房」。
【序文】
迴響 透入心的人情味繪本／鄭順聰
平平是繪本，這本看起來素素，讀起來嘛恬恬，無像有的繪本遐艷色，花巴哩貓四界跳⋯⋯《神奇漢藥房》內底講的物件，是較罕咧拄著的⋯⋯是講，漢藥是啥物？
彼是彼是，阿母叫我摻水做伙啉落的藥粉，是隔壁燃火煎藥材飄過來的厚味，是佇舊街仔行過的一坎老店，是故事內底出世大漢的作者⋯⋯用淡薄仔古錐、不止仔燒烙的文字，共記持內底的氣味畫出來。
喔！這是一本鼻會著氣味的繪本，無像漢藥材的味遐強，是勻勻仔趖出來的趣味：是切參仔、拆藥仔袂輸咧做美勞的趣味；是櫥仔所囥各式各款的藥材，若咧收集尪仔的趣味；是知影轉骨方、補藥酒功效的趣味；是聽講有彼種食了會考一百分的丸仔⋯⋯敢有影？
有影有影，這確實是陳芊榕親目睭看著、親手摸著的實實在在。
是用囡仔的角度來講的故事，親像一步迒入去漢藥房，佇店內底𨑨迌奕耍，聽古早的故事、學真有路用智識，浸佇咧四常日子的清芳內底，看起來敢若無啥貨，煞佇繪本內，變甲遐爾仔無仝款。
實在是太神奇囉！
這是繪本版的《俗女養成記》，連續劇是真鬧熱無毋著，《神奇漢藥房》恬恬仔予讀者你親手來掀，主動來想，台文來讀。雄雄你嘛變主角，會用得講台語，閣通對話和思想，語言的真味透出來，人情味就來透入心囉。
迴響 數念ê漢藥房／游沛綺Nóo-lah
《神奇漢藥房》是一本市面上罕見ê台語繪本，芊榕寫細漢佇厝裡漢藥房鬥跤手ê記持，記錄伊所看著ê人、藥房內ê各種項物，毋但是家族史、產業紀錄，原仔看會著彼當時社會ê背景文化。
台灣佇1970年代，政府鼓吹家庭代工，早前猶無時行安親補習班，真濟人散學以後，就愛轉去厝裡寫宿題，有ê人閣愛kā厝裡鬥做工課。親像芊榕厝裡開漢藥房，伊愛鬥切參仔、鬥入雞毛管、烘鹿茸毛…，我真好玄伊ê心情，是若耍扮公伙仔哩，感覺真心適趣味？抑是kah我仝款，厝內ê工課做甲艱苦罪過？
人講：「囡仔跤走較緊！」看著繪本引我想起細漢捌kā序大鬥相共，去漢藥房買鹹橄欖粉、切參仔、買滷包、拆藥仔ê記持，記持閣掛漢藥芳kah甜味，做囡仔彼當陣啊！頭殼攏leh數想講：看頭家敢會當加佮一寡梅仔餅hōo我無？
掀開《神奇漢藥房》，咱來綴囡仔時的芊榕kah彼隻古錐的鸚哥導覽參觀「壽春藥房」，內面ê圖畫若親像藏寶圖，斟酌kā看，暗藏濟濟細節kah數字符號，聽候咱勻勻仔看、寬寬仔揣，毋但看有影、聽有聲、鼻有芳、啖會著氣味，閣會當感受往過做生理人kah老主顧交插，抑是食好鬥相報燒絡ê社會人情味。
芊榕伊本人真覕鬚，氣質樸實純真，聲質有一款溫暖ê甜味，伊激出囡仔時ê記持，怙古錐ê氣口畫路回轉過去，講景講物講人客，話尾窮實是思念伊綴tī阿母身軀邊鬥做生理ê過去。
「用阿母話，記念阿母」，內中會當感受著伊對阿母滇滿滿數念ê親情。
【創作者簡介】
陳芊榕 Tân Tshian-iông /Mimi
台中人，做媽媽了後，才開始畫圖、看繪本、共家己ê母語抾倒轉來。
興趣用寫作佮畫圖記錄生活中ê沓沓滴滴。
【審定者簡介】
游沛綺/Nóo-lah
台中人，今徛居新竹市。趣味看冊寫作、看電影kah研究身心靈整合。
目前是新竹市本土推廣協會ê常務理事、教育部本土語言意識宣講講師。已經通過教育部台語能力認證專業級，佇國小、國中教台語，mā有創立「發穎台文唸冊共學團」leh教大人。
平常時仔兼做繪本台文對譯、有聲冊錄音，作品有：《新竹六燃大煙囪》、《蒲小英的新家》、《眷村小學運動會開始！》、《話畫看．心畫家》多元母語繪本創作集：《紅毛丹樹》、《白鷺啊白鷺》。
About Us ● New Arrival ● Activity
Order guide ● Overseas order ● Pre-order
▎本檔焦點：
▎近期活動：
☞ 展覽詳情：https://reurl.cc/53g2kM
☞ 3.28講座詳情＆報名：https://reurl.cc/O6b0Nr